«Ұлы Жеңіс жасасын!» атты патриоттық тәрбие сабағы

Балалар мен жасөспірімдер кітапханасының кітапханашылары 9 мамыр – Жеңіс күні мерекесіне арнап «Мәңгілік алау» алаңында «Ұлы Жеңіс жасасын!» атты патриоттық тәрбие сабағын өткізді. Іс-шараға № 4 мектептің 4 «Ә» сынып оқушылары, олардың ата-аналары және сынып жетекшісі Б.Т. Сайдалина белсене қатысты.

Кітапханашылар оқырмандарға соғыс туралы түсінік беріп, жеңістің қалай келгенін әңгімелеп берді. Ұлы Отан соғысының Жеңіс күніне арналған өлеңдері оқылып, хормен «Атамекен» әні айтылды.
Арнайы дайындалған кітап көрмесіне Совет Одағының батырлары Панфиловшы Бауыржан Момышұлы, екі мәрте батыр атағын алған ұшқыш Талғат Бигельдинов, Мәлік Ғабдуллин, Сағадат Нұрмағамбетов, Әлия мен Мәншүк, ұшқыш-жауынгер Хиуаз Доспанова туралы көптеген кітаптар және «Айгөлек», «Мөлдір бұлақ» журналдары қойылды.
Шараға қатысқан оқырмандардың кітапқа деген қызығушылақтары артып, кезек кезек көрмедегі кітаптармен танысты.
«Ер есімі – ел есінде»,- демекші, бізге бейбіт өмір, жарқын болашақ, бақытты ғұмыр сыйлаған аталар, апалар ерлігі ешқашан ұмытылмайды. Солардың қасиетті рухы мәңгі шуағын шашпақ. @zhez_balalar_kitaphana