«Дара тұлға» атты библиокеруен

№ 9 үлгілі кітапхана – филиалында Қазақстан археология мектебінің негізін салушы, этнограф Әлкей Хақанұлы Марғұланның туғанына 120 жыл толуына орай «Дара тұлға» атты библиокеруен ұйымдастырылды. Іс – шара № 10 жалпы білім беретін мектеп мұражайында өтті. Іс шараға мектеп кітапханашысы мен 6-сынып оқушылары қатысты.
Мұражайда өнертанушы Әлкей Марғұланның өмірбаяны, шыққан тегі, жан – жақты ғылыми зерттеулері, археология саласындағы еңбектерімен танысты. Данель Марғұланқызы әкесінің көп томдық кітаптарын өз қол таңбасымен мектеп мұражайына сыйға берген. Кітапхана меңгерушісі Т.Кульсеитова Ә.Марғұланның көп томдық кітаптарына шолу жасап, Ұлытау, Жезқазған жерін зерттеудегі еңбектерін атап өтті. @kitapkhanafilialy