«Үміт алға жетелейді» атты қайырымдылық акциясы

№2 үлгілі кітапхана-филиалының кітапхана қызметкерлері мүмкіндігі шектеулі балалармен жұмыс жүргізу барысында «Үміт алға жетелейді» атты қайырымдылық акциясын ұйымдастырды. «Жезқазған қаласының жұмыспен қамту және әлеуметтік бағдарламалар бөлімі» мемлекеттік мекемесімен хабарласып, осы мекеменің тіркеуінде тұрған мүмкіндігі шектеулі балалар Б.Нұрлыханов, М.Барақбай, А.Саржан, Р.Сенбайға «Сақтықта қорлық жоқ», «Құйыршық», «Қу түлкі мен ұмытшақ аю» деген кітапшалар сыйға тарылды. Ата-аналарымен де жолығып, балалардың кітапқа қызығушылығын сұрап, кітапханаға шақырып және үйлеріне кітап апаруды ұсынды.