«Бар мейіріміміз балаларға» атты мерекелік іс-шара

1 маусым – Халықаралық балаларды қорғау күніне орай Балалар мен жасөспірмдер кітапханасының ұйымдастыруымен № 7 «Айгөлек» балабақшасында «Бар мейіріміміз балаларға» атты мерекелік іс-шара өтті.
Балаларды «Панда», «Джерри», «Кітап патшайымы» сияқты аниматорлар қарсы алды. Балалардың көңілдерін көтеру үшін олармен «Арқан тартыс», «Тәттіні тасымалдау», «Орындық» ойындарын ойнап, барлығы бірге «Достық» биін биледі.
Балалар «Кунг-фу» панда және «Том мен Джерри» мультфильмдерінің басты кейіпкерлерімен түрлі жаттығуларды жасады. Шара барысында балалар ертегі кейіпкерлерімен бірге «Кім мықты» ойынын ойнап, ән айтып, би билеп, тақпақ айтып – мерекелік көңіл күйге бөледі.