«Домбыра дастан-домбыра шежіре» атты күй сағаты

Кеңгір селолық №5 үлгілі кітапхана-филиалы 1шілде Ұлттық домбыра күніне орай «Домбыра дастан-домбыра шежіре» атты күй сағаты өтті. Бұл іс-шараға «Назқоңыр» домбыра үйірмесінің балалары қатысты. Қазақтың әйгілі күйші композиторы Қазанғап Тілепбергенұлының туғанына -170 жыл толуына орай «Назқоңыр»домбыра үйірмесінің жетекшісі Д.Асқар «Майда қоңыр», «Ұстаз» атты күйлерін нақышына келтіріп орындаса, үйірменің қыздары “Жастар”күйін тарту етті.Сонымен қатар, «Домбыра өнері-халықтық өнер» атты кітап көрмесі ұйымдастырылды. Кітапханашы көрмедегі М.Әбуғазы «Қазақтың домбыра өнері», Ж.Шәкәрім «Көне дүние күмбірі», Т.Қоңыратбай «Әлемдік музыка тарихы», Ө.Спанов «Домбыра үйренейік» т.б.кітаптарына шолу жасады.