«Жүрегіне ән ұялап» ақпараттық шолу
27 тамызда №2 үлгілі кітапхана-филиалы дарынды майталман әнші Қазақ КСР-ң халық әртісі, халқымыздың дәстүрлі ән мектебінің көрнекті өкілі Жүсіпбек Елебековтің туғанына 120 жыл толуына орай «Жүрегіне ән ұялап» атты ақпараттық шолу ұйымдастырды. Жүсіпбек Елебековтің көпқырлы сан-салалы әншілік таланты арқылы отандық музыкалық мәдениетіміздің тарихына өлшеусіз үлес қосқаны, халқымыздың ән өнерінің жарқын беттерінде сөнбейтін жарық жұлдызына айналып оның атақ-даңқын биікке көтергені, бүкіл қазақ даласын оның әр тасы мен жылғасы, әр ауылына дейін әнге көмген, халқы мен жерін әнге бөлеген өнер тарланы екенін осы ақпараттық шолуда таныстырылды. Репертуарындағы Сегіз сері, Біржан сал, Ақан сері, Мәди, Ыбырай, Естай, Майра, Жарылғапберлі сияқты қазақтың халықтық кәсіби композиторларының әндерін өз нақышына келтіріп орындағаны жайлы ақпарат берілді. Марапаттары, естелік суреттер, шәкірттерімен түскен суреттер көрсетілді.