“Білім тарландары” ашық есік күні

“Жезқазған қаласының орталықтандырылған кітапханалар жүйесі” КММ N2 үлгілі кітапхана-филиалы 3 қыркүйекте Білім күніне орай “Білім тарландары” атты ашық есік күнін ұйымдастырды.
Іс-шараның мақсаты кітапханаға оқырмандарды тарту, кітап оқуға шақыру, жастардың рухани мәдениетінің дамуына көмек беру, кітапқа қызығушылықтарын ояту.

Ашық есік күніне №5, 11, 21 мектептерінің бастауыш сынып оқушылары, Жезқазған «Тау-кен металлургиялық, гуманитарлық колледждерінің 1 курс студенттері қатысты. Кітапхана қызметкерлері келген оқушыларды жаңа оқу жылымен құттықтап, кітапханамен, кітапхана қорында бар әдебиеттер, кітапхана тәртібімен, жұмысымен, бөлімдерімен таныстырды. Тұрақты көрмелерді таныстырды.