«КITAPTIME-2024» III жалпы республикалық фестивалі Жезқазған қаласының орталықтандырылған кітапханалар жүйесі

ҚР Мәдениет және ақпарат министрлігінің қолдауымен, ҚР Ұлттық академиялық кітапханасының ұйымдастыруымен дәстүрлі түрде 20-қыркүйекте «КITAPTIME-2024» III жалпы республикалық фестивалі Жезқазған қаласының орталықтандырылған кітапханалар жүйесінің барлық кітапхана- филиалдарында өтті.
Кітапхана фойесінде «КITAPTIME-2024» III жалпы республикалық фестивалінің логотипі мен академик, геолог Қ.И.Сәтбаевтың туғанына 125 жыл толуына орай, Жезқазған қаласының 70 жылдығына орай «Жарқыра, жайна Жезқазған», «Жезқазғаным жетпістің асқарында» көрмесі, «Бір ел-бір кітап» республикалық акциясы аясында балалар жазушысы Б.Соқпақбаевтың 100 жылдығына орай кітап көрмесі мен «Жаңа кітаптар вернисажы» атты көрмелер ұйымдастырылды.
Тұсау кесер кеш әнші, сазгер Ж.Сейіловтің «Ұлытау»әнімен кітапхана оқырманы А.Сыбанбек ашып берді. Орталықтандырылған кітапханада ақын, бірнеше республикалық, облыстық, қалалық жыр байқауларының жүлдегері, «Ұлар» әдеби клубының мүшесі, бірнеше өлеңдердің авторы Абдығожин Жанат Алпысұлының «Қопа тоғай» кітабының тұсау кесер кеші өтті. Кешке қалалық мәдениет бөлімінің бас маманы Сандықбаева Гүлсім Серікқызы, облыстық тілдер ресурстық орталығының басшысы Е.Көшербаев және ҚР еңбек сіңірген әртісіі, алтын қобыз иегері Ғ.Мұхамедин, Ұлытау ауданының жастар ресурстық орталығының КММ басшысы, сыныптасы Е.Оспанбекұлы, «Ұлар» әдеби клубының мүшелері мен мектеп мұғалімдері, оқушылар мен ЖезУ-дің КЯЛ-1 тобының студенттері қатысты.

Кеште ақынның кітабының тұсауы кесіліп, ақынға арналған  «Жүрегімнен сәулелі жыр іздеп ем..» атты бейнебаян мен ақынның газет-журнал беттеріне жарыққа шыққан өлеңдері мен марапаттауларынан көрме ұйымдастырылып, оқырмандарға таныстырылды. Ақын Ж.Абдығожин тұсау кесерде орталықтандырылған кітапханалар жүйесіне бірнеше кітабын сыйға тартты. Кітап тұсау кесерде КЯЛ-1 тобының студенттері ақынның өлеңдерін оқып, авторлық сөзіне жазылған «Жаным жүрегім» әнін Т.Қалмағанбетов атындағы филармония әншісі Р.Исмайлов,  «Ұлытау» әнін кітапхана оқырманы  А.Жөкіжан, Н.Жарылқасынова «Ана туралы» әнін орындады. Мерекелік кешке жиналғанқонақтар, ақын-жазушылар, өнер адамдары  жас ақын Абдығожин Жанат Алпысұлына шығармашылық табыс, алдағы уақытта асқар биіктерге бастайтын сәтті қадам, өлеңдері өрге өрлей беруіне сәттілік тіледі. қалалық мәдениет бөлімінің бас маманы Г.С.Сандықбаева мен ОКЖ-нің басшысы А.Ж.Махмутова сөз сөйлеп «Құттықтау хат» табыстады.