«Қазақ әдебиетінің ақсұңқары» атты әдеби-квест

№5 Кеңгір селолық үлгілі кітапхана-филиалы көрнекті ақын, жазушы, драматург және қоғам қайраткері Сәкен Сейфуллиннің 130 жыл толуына орай «Қазақ әдебиетінің ақсұңқары» атты әдеби-квест ұйымдастырды. Іс – шараға №2 ЖББМ КММ-ның 5 “б” сынып оқушылары қатысты. Мақсаты жазушы Сәкен Сейфуллиннің көркем шығармалары бойынша пікір алмасу, оқушыларға шығармаларын оқуды насихаттау. Кітапхана меңгерушісі Н.Т.Смагулова “Айтулы тұлғалар, атаулы күндер” атты электронды бұрышынан QR код арқылы ақынның өмірдерегімен және көрмеге қойылған кітаптарын таныстырып, электронды түрде оқуға болатынын көрсетсе, кітапханашы А.К. Карибаева “Кім тапқыр” ойынын ойнатты. Оқырмандар іс-шараға белсене атсалысты. 5”б” сынып оқушысы Сейдахмет Раяна С.Сейфуллиннің “Ақсақ киік” шығармасынан үзіндісін мәнерлеп айтты.