«Өзбекәлі және мәдени майдан» атты кітабына әдеби талдау

Жезқазған қаласының орталықтандырылған кітапханалар жүйесіне қарасты Балалар мен жасөспірімдер кітапханасында «JEZQANAT» әдеби-мәдени клубының ашылу рәсімі өтті.
Астана қаласынан клуб мүшелері Оспанов Батырхан, Бекмағанбетова Гүлмира, Алматы қаласынан Абжамалова Меруерт, Жезқазған қаласының Ақжол демократиялық-партиясының мүшелері Бекзат Дайрабайұлы, Мархат Хамит, Ұлытау облыстық шығармашылық мәдени-сауық және ғылыми –әдістемелік орталығының мәдени сауық бөлімінің басшысы Айбасова Балжан Арғынқызы, Жезқазған тарихи-археологиялық музейінің көрме бөлімінің басшысы Рахмет Аия, Сәтбаев қаласының ардагерлер кеңесінің ұйымынан Абенова Гауһар Сырлыбайқызы, Сәтбаев қаласының «Ертегі» балабақшасының әдіскері Айтмағанбетова Қапиза Айтмағанбетқызы, Жезді №6 трек мектебінің тарих пәнінің мұғалімі Абылаева Гүлжанат Серікбайқызы, Қарсақбай №15 трек мектебінің тарих пәнінің мұғалімі Есенбаев Дархан Әбдімәлікұлы және кітапхана оқырмандарының қатысуымен «Отбасы хрестоматиясы» сериясымен жарық көрген С. Керімбай, Ә. Нәбидің «Өзбекәлі және мәдени майдан» атты кітабына әдеби талдау өтті. Іс-шара соңында «JEZQANAT» әдеби-мәдени клуб мүшелері «Өзбекәлі және мәдени майдан»,«Қуыскеуде» кітаптарын Жезқазған қаласының орталықтандырылған кітапханалар жүйесінің кітап қорына сыйға тартты.