“Әнім сенсің, Жезқазған” атты тәрбие сағаты 

N3 Теректі кітапхана-филиалы Жезқазған қаласының 70 жылдығына орай “Әнім сенсің, Жезқазған” атты тәрбие сағаты ұйымдастырылды. Іс-шара кітапханашының құттықтау сөзімен басталып Теректі ауылының “Әжелер мектебі” тобының орындауында өнер өлкесінің “Жезкиігі” Ж.Сейіловтың “Ұлытау” әнімен жалғасты. Сондай-ақ N6 Теректі негізгі орта мектебінің оқушылары Тұрсынбекова Шұғыла ақын, Қазақстан жазушылар одағының мүшесі Б.Мырзабековтың “Жезқазған”, Махмұт Іңкәр ақын-кенші М.Тілеуовтың “Жасай бер, Мысты қалам мақтанышым”, Бақтыгелді Диана ақын И.Бекмахановтың “Жезқазған”, Жұман Балауса ақын Н.Домбайдың Жезқазған қаласына арнаған жырларын мәнерлеп оқыды. Кеш соңында Жезқазған қаласының тарихи ескерткіштері мен мәдени орындары, өлкенің белгілі тұлғалары туралы бейне презентация көрсетілді.