«Бір ел – бір кітап» Республикалық акциясы аясында

Биылғы жылы «Бір ел – бір кітап» Республикалық акциясы аясында, қазақ прозасында өзгеше өрнек, ғажайып сыр-сипат әкелген, руханиятына өшпес мұра қалдырған қаламы құдіретті, қазақтың көрнекті жазушысы, балалар әдебиетінің классигі Бердібек Соқпақбаевтың 100 жылдығы ЮНЕСКО көлемінде аталып өтіледі. Осыған орай, 28 наурызда №2 үлгілі кітапхана-филиалы «Қазақ балалар әдебиетінің бәйтерегі» атты библиокросс ұйымдастырды. Іс-шараға тұрақты оқырмандарымыз қатысты. Кітапханашы балалардың көркем жазушысы Б.Соқпақбаевтың өміріне, шығармаларына тоқталып өтті. Оқырмандар арасында Құнанбай Азиза, Шахан Әділ, Сұлтанова Диана жазушының оқыған әңгімелерінен қысқаша мазмұнын айтып берді. Жазушының шығармаларын көп оқыған оқырманға сыйлыққа кітап берілді. Кітапхана меңгерушісі А.Қыдырманова көрмеге қойылған жазушының шығармалары мен баспа беттеріне шыққан мақалаларымен таныстырды.