«Жезді қала жетпістің арқасында» атты кітап көрмесі

Жезқазған қаласының орталықтандырылған кітапханасында Жезқазған қаласының 70 жылдығына орай «Жезді қала жетпістің арқасында» атты кітап көрмесі өтті. Кітап көрмеге Жезқазған музыкалық колледжінің “Кітапхана ісінің” 1-2 курс студенттері мен «Мәдениет шамшырағы» алтын белгісі және «Мәдениет қайраткері» төс белгісі иегері, кітапхана саласының ардагері, колледж оқытушысы Ш. Қ. Капкеева қатысты.
Кітап көрмеде Жезқазған қаласы жайлы кітаптар мен суреттер, фото-альбомдар, Ш. Рахметов «Кен өндірісінің қаһармандары», С. Бүкіров “Жезқазғаным менің”, К. Салықов “Ими гордится/ Жезқазған оларды ардақтайды”, Т.Бүкіров “Талайлы тағдыр баяны”т.б. кітаптары қойылып колледж студенттеріне “Ақпараттық-библиографиялық” бөлімінің библиографы А.Т. Жүніс таныстырып, шолу жасады. Экраннан “Жезқазған: Кеше. Бүгін. Ертең” атты бейнебаян көрсетілді.