«Кітап әлеміне саяхат» атты book dating

№5 Кеңгір селолық үлгілі кітапхана-филиалы жыл сайын дәстүрлі түрде 23сәуір – Дүниежүзілік кітап және авторлық құқықты қорғау күніне орай «Кітап әлеміне саяхат» атты book dating ұйымдастырды. 23 сәуірде әлемнің 100-ден астам елінде Дүниежүзілік кітап және авторлық құқық күні атап өтіледі. Іс-шара кітап пен авторларға деген құрметтің және кітап оқуды насихаттаудың жарқын көрінісі болып табылады. Бұл мереке жаңа технологиялар ғасырында кітаптың қашанда көшбасшылық орнында тұратынын, ал кітап оқу жанға ләззат сыйлайтынын еске салуға бағытталған. Бұл іс-шарада «Бір ел бір кітап» акциясы аясында Бердібек Соқпақбавқа арналған «Балалар бағының бағбаны», «Мобильді кітапхана», Қаныш Сатпаев «Ғылымның жарық жұлдызы», «Электронды кітап бұрышы», «Туған жермен асқақ менің мерейім» т.б. кітап көрмесі ұйымдастырылды. Іс – шараға келген қонақтар мен кітапхана оқырмандарына таныстырылып насихатталды. Оқырмандарға арналған «Бес ұқсастықты тап», «Мәреге бірінші жету» лабиринт, ертегілер кейіпкерлерін құрастыру пазл ойындары ойнатылды. Іс-шара соңында белсенді қатысқандары үшін алғыс хаттармен марапатталды.