«Адамзаттың перзенті Ұлы Абай тағылымы» танымдық саябақ

10 тамыз Абай күніне орай, Ұлы классик ақын, композитор, аудармашы, қазақ жазба әдебиетінің негізін қалаушы, философ, ағартушы, қоғам қайраткері Абай Құнанбаевтың туғанына 179 жыл толуына орай №2 үлгілі кітапхана-филиалы «Адамзаттың перзенті Ұлы Абай тағылымы» атты танымдық саябақ өткізді. Кітапханамыздың тұрақты оқырмандары №21 мектептің 6 сынып оқушысы Шахан Әділ Абайдың «33-ші қара сөзін» жатқа оқып, №11 мектептің 7 сынып оқушысы Мұрат Әсет «Жасымда ғылым бар деп ескермедім», №13 мектептің 4 сынып оқушысы Иманғали Назым «Ғылым таппай мақтанба» өлеңдерін көрермендерге жатқа оқып берді.