«Саз әлемінің жауһары» бейне шолу
21 тамызда №2 үлгілі кітапхана-филиалы биыл КСРО халық әртісі, композитор Сыдық Мұхамеджановтың туғанына 100 жыл толуына орай «Саз әлемінің жауһары» атты бейне шолу ұйымдастырды. Бейне шолуда композитордың өмірі мен шығармашылығы, алған марапаттары көрсетілді. Сыдық Мұхамеджановтың музыкаға және кәсіби білімге деген жолының оңайлықпен келмегендігі жайлы айтылды. 1952 жылы жазылған «Қуаныш Отаны» атты симфониялық поэмасы жастар мен студенттердің Бухаресте өткен Бүкіләлемдік фестивалінде орындалып, Қазақ КСР-інің Жамбыл атындағы Мемлекеттік сыйлығына ие болды. Осы шығарма С.Мұхамеджановтың есімін тыңдаушы қауымға әйгілі етті. Қазақ музыка тарихына айтарлықтай үлесін қосты. Оның дарындылығы көркем шығармаларының әуезділігімен, кейіпкер бейнелерінің нақтылығынан, бүкіл шығармашылығы толық гүлденіп ашылған лирикасынан байқалады. Әйгілі композиторға арналып көше, мектептер ашылған.