«Ерте, ерте, ертеде…» атты WOW quiz

2024 жылдың 20 қыркүйек күні кітапханаларға оқырман тарту, жалынды жастардың кітапқа деген қызығушылығын арттыру, көпшілік назарын ел бойынша бір сәтке кітапқа аудару, кітап оқу мәдениетін көтеру, әдебиетті насихаттау мақсатында «KitapTime – 2024» республикалық фестивалінің аясында Балалар мен жасөспірімдер кітапханасында «Ерте, ерте, ертеде…» атты WOW quiz түрінде викториналық ойын ұйымдастырылды.
Ертегілер баланың ойлауының қалыптасуына, оның бала кезіндегі мінез-құлқына әсер етеді. Ертегілер балаларды оқытудың қуатты құралы болып саналады.
Шара барысында балаларға «Жаттығу», «Ертегіні тап», «Ақыл – жастан, асыл – тастан», «Сиқырлы затты ата», «Тауып көр балақай», «Тез құра!» сайыстары ұсынылды. Кітапханашылар көркем әдебиет арқылы көңіл-күй мен оқиғаларды жеткізуге тырысты. Бұл викторина балалардың шығармашылығын белсенді дамытуға әсер етті. Іс – шараның соңында арнайы дайындалған «Ертегілер бірге жиналғанда» атты кітап көрмесіне шолу жасалып, қонақтарға шағын сыйлықтар берілді.
Іс-шараға №4, №22 мектеп оқушылары және “Хайншайым” балабақшасының тәрбиеленушілері қатысты.