“Қарттарын қадірлеген ел ардақты” мерекелік кеш

№5 Кеңгір селолық үлгілі кітапхана – филиалы 1- қазан Халықаралық қарттар күніне орай “Қарттарын қадірлеген ел ардақты” атты мерекелік кеш ұйымдастырды. Бұл іс-шараға кітапхананың егде оқырмандары қатысты. Іс – шараның мақсаты жас жеткіншектердің бойына үлкендерді сыйлап, қарттарымыздан ғибрат алу.. Кеңгір селосының әкімі Рүстем Шахмұранұлы құттықтау сөзін айтып,кітапханамыздың қарт оқырмандарына мерекелік концерт және дастархан жайылды. Кітапханашы А. Карибаева оқырмандарға жылы лебізін білдіріп, кітап көрмесімен таныстырды. Мәдениет үйінің меңгерушісі Досхан Жолжақсыновтың “Қарттарым аман – сау жүрші” әнін орындап,көңілді куб, жасырын сөзді тап ойындары ойнатылды. Әжелер өз өнерлерін ортаға салып, қариялар ризашылықтарын білдіріп, баталарын берді.