«Рухы асқақ Рақымжан» іс-шарасы

Жезқазған қаласының орталықтандырылған кітапханасы Халық қаһарманы Рақымжан Қошқарбаевтың туғанына 100 жыл толуына орай «Рухы асқақ Рақымжан» атты іс-шарасын өткізді. Іс-шараға №1жалпы білім беретін мектептің 9 «А» сынып оқушылары қатысты. Оқырмандарға «Ғибратты ғұмыр» топтамасындағы К.Қазыбаевтың «Кернеген кек», Ж.Аупбаевтың «Ел таныды өзінің хас батырын» атты әңгімесіндегі бүгінгі күн рухымен үндестіре отырып, батырдың ерлігін әңгімелеп берді. Болашақ Отан қорғаушыларға өмір жолы үлгі болып табылатын Рақымжан Қошқарбаевтың ерлігі туралы айтылып, оқырмандарға Рақымжан Қошқарбаев туралы деректі фильм көрсетілді. Рейхстагқа Жеңіс туын тіккен қазақ халқының даңқты ұлы Рақымжан Қошқарбаевтың ерлігі жастарға үлгі.