«Жасынан қалам ұстаған» поэзия сағаты

5 қарашада №2 үлгілі кітапхана-филиалы қазақ әдебиеттану ғылымы мен қазақ поэзиясында, балалар әдебиетінде өзіндік із қалдырған белгілі ақын, әдебиет зерттеушісі Бүркіт Ысқақовтың туғанына 100 жыл толуына орай «Жасынан қалам ұстаған» атты поэзия сағатын ұйымдастырды. Іс- шараға Жезқазған медицина колледжінің студенттері, №11 жалпы білім беретін мектебінің 5 сынып оқушылары және кітапханашы қатысты. Жүргізуші ақынның қысқаша өмірбаянымен шығармашылығынан мәлімет берді. Іс-шара барысында №11 жалпы білім беретін мектебінің оқушылары мен медицина колледжінің студенттері Бүркіт Ысқақовтың «Ұстазым менің», «Шабыт», «Бәрінен де жоғары», «Өнер», «Ана туралы жыр», «Оқушы отыр ойланып», «Балалар бақшасында», «Кішілерге қамқор бол», «Әке сыры» өлеңдерін мәнерлеп оқып, колледж студенті Асқар Далиланың орындауында «Адай», «Әлқисса» күйлері орындалды. Көрмеге ақынның «Шабыт шуағы», «Өлеңді жылдар», «Сарыарқа» сериясымен шыққан «Шығармалары» кітаптары, Бүркіт Ысқақов туралы «Ұлытау және ұлт» журналына шыққан мақала қойылып, таныстырылды.